Жаңалықтар

10 маусым күні «Күншуақ» мектеп жанындағы лагерінде «Шығармашылық күні» өтті. Тәрбие алушылар үшін келесі іс-шаралар ұйымдастырылды.
1. «Қажетсіз заттардан адамдарға ғажайыптар» қолөнер фестивалі
Қатысушылар картоннан, қағаздан және басқа да қалдық материалдардан жасалған бұйымдарын ұсынды. Жұмыстар өзіндік ерекшелігімен және практикалық маңыздылығымен көзге түсті. Балалар қалдық заттардан пайдалы бұйымдар жасауға қызығушылық танытып, шығармашылық қабілеттерін көрсетті.
Нәтижесі: қатысушылар экология туралы білімдерін кеңейтіп, қайта өңделетін материалдарды пайдалану арқылы шығармашылық жұмыс тәжірибесін жинақтады.
2. Шаштараздар байқауы
Қатысушылар өрім элементтерін, сәндік әшекейлерді және ерекше идеяларды пайдалана отырып, түрлі шаш үлгілерін көрсетті. Байқау достық әрі жағымды атмосферада өтіп, балалардың даралығы мен шығармашылық әлеуетін ашуға мүмкіндік берді.
Нәтижесі: балалар қиялдарын іске асырып, шашпен жұмыс жасау дағдыларын жетілдірді және орындалған жұмыстың эстетикалық сапасын бағалауды үйренді.
3. «Шығармашылық әлемі» сурет байқауы
Қатысушылар жаз, қоршаған әлем тақырыптарында жарқын суреттер салды. Жұмыстардың барлығы әсемдігімен, өзіндік ерекшелігімен және жағымды мазмұнымен ерекшеленді. Байқау ұжымдық шығармашылықты дамытуға және көтеріңкі көңіл күй қалыптастыруға ықпал етті.